Хуманитарен концерт на Тамара Тодевска – Пееме за Кочани

Хуманоста и солидарноста се вредностите кои можат да ја вратат надежта, а се толку потребни за семејствата на починатите и повредените граѓани во трагедијата во Кочани. Од таа причина, Тамара Тодевска заедно со својот бенд Ве повикува на ХУМАНИТАРЕН КОНЦЕРТ за Кочани, на 8.Maj (четврток), од 20:00 часот во Младинскиот културен центар (МКЦ). Хуманитарниот концерт за Кочани ќе биде едно поинакво доживување од сите претходни концерти и настапи на кои сте присуствувале на Тамара. Песните ќе имаат нови аранжмани и ќе понудат едно поинакво и поинтимно доживување за присутната публика. Средствата од билетите ќе бидат наменети за семејствата на починатите граѓани, како и за сите повредени лица кои се лекуваат во Македонија и во европските земји. Да останеме луѓе, да поддржиме македонска музика, да бидеме хумани и солидарни за Кочани.